ಗೃಹಿಣಿ

 
ಮನೆಯೆಲ್ಲ ಅಸ್ತವ್ಯಸ್ತಗೊಂಡಿತ್ತು ಹಾಗೆಯೆ ಅವಳ ಮನಸ್ಸು ಸಹ. ಪತಿ ಮತ್ತು ಮಗಳ ಮೇಲಿನ ಸಿಟ್ಟು ಕ್ರಮೇಣ ಹತಾಶೆಯ ರೂಪ ಪಡೆದಿತ್ತು. ಮೋಡ ಕವಿದ ದಿಗಂತವನ್ನು ದಿಟ್ಟಿಸುತ್ತಾ ಯೋಚಿಸುತ್ತಿದ್ದಳು "ಯಾಕೆ ನಾನ್ ಹೇಳೋದೆಲ್ಲ ತಪ್ಪು ಅನ್ಸುತ್ತೆ ಇವ್ರಿಬ್ರಿಗೆ "... ?

ಅವಳು ಮಿತಭಾಷಿಯಾದ್ರೂ ಪತಿ ಮತ್ತು ಮಗಳೊಡನೆ ಮಾತ್ರ ಹರಟೆ ಹೊಡೆಯುತ್ತಿದ್ದಳು. ಅವರೊಡನೆ ಮಾತ್ರ ತನ್ನನಿಸಿಕೆ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಳು. ತುಂಬಾ ಅಲ್ಲದಿದ್ದರೂ ತಕ್ಕ ಮಟ್ಟಿಗೆ ಓದಿದ್ದ ಅವಳಿಗೆ ಕೆಲಸಕ್ಕೆ ಹೋಗಲು ಇಷ್ಟವಿಲ್ಲದೆ ಗೃಹಿಣಿಯಾಗಿ ಮನೆಯನ್ನು ಅಚ್ಚುಕಟ್ಟುತನದಿಂದ ನಿಭಾಯಿಸುತ್ತಿದ್ದಳು. ಚತುರೆ ಚಾಣಾಕ್ಷೆ ಅಲ್ಲದಿದ್ದರೂ ಪರಿಸ್ಥಿತಿಗಳನ್ನು ಅರ್ಥ ಮಾಡಿಕೊಳ್ಳುವ ಜ್ಞಾನ ಅವಳಲ್ಲಿತ್ತು. ಅದರಂತೆ ತನ್ನ ಅಭಿಪ್ರಾಯಗಳನ್ನು ಅವರಿಬ್ಬರಲ್ಲಿ ಹೇಳುತ್ತಿದ್ದಳು ಆದರೆ ಅವರು ಎಂದೂ ಒಪ್ಪುತ್ತಿರಲಿಲ್ಲ. ಇದು ಸಾಮಾನ್ಯವಾದರೂ ಇಂದು ಮಾತ್ರ ತುಸು ಹೆಚ್ಚೇ ಎನಿಸುವಷ್ಟು ಸಿಟ್ಟು ಹತಾಶೆ ಮನಸ್ಸಿನಿಂದಾಚೆ ಇಣುಕಿತ್ತು. ಅದರ ಪರಿಣಾಮ ಮನೆಯ ಮೇಲಾಗಿತ್ತು ಅಸ್ತವ್ಯಸ್ತವಾಗುವದರ ಮೂಲಕ. 

ಸುಮಾರು ಹೊತ್ತಿನವರೆಗೂ ಹಾಗೆಯೆ ಕುಳಿತಿದ್ದಳು. ದಿಗಂತದಲ್ಲಿ ಮೋಡ ಕರಗಿ ಶುಭ್ರ ಆಕಾಶ ಹೊಳೆಯತೊಡಗಿತ್ತು ಸೂರ್ಯನಿಂದ ಬಳುವಳಿಯಾಗಿ ಪಡೆದ ಹೊಂಬಣ್ಣದೊಡನೆ, ಹಾಗೆಯೆ ಅವಳ ಮನಸ್ಸು ಸಹ. ಸಿಟ್ಟು ಹತಾಶೆ ಪೂರ್ತಿ ಕರಗಿ ಹೋಗಿತ್ತು. ತನ್ನ ಹುಚ್ಚುತನಕ್ಕೆ ತಾನೇ ನಕ್ಕು "ನನ್ನಭಿಪ್ರಾಯ ನನಗ್ ಸರಿ ಅನ್ಸಿದ್ರೆ ಅವರಿಬ್ರಿಗೂ ಸರಿ ಅನ್ಸಬೇಕ್ ಅಂತೇನ್  ಇಲ್ವಲ್ಲ... ನಾನ್ಯಾಕ್ ಅದ್ನ ನಿರೀಕ್ಷಿಸಬೇಕು .. ನನ್ನ ಅಭಿಪ್ರಾಯ ನಂದು ಅವ್ರ ಅಭಿಪ್ರಾಯ ಅವ್ರದು... ". ತಿಳಿಯಾಯಿತು ಮನಸ್ಸು ಹೊಸ ಹುರುಪಿನೊಂದಿಗೆ. ತನ್ನ ಅಭಿಪ್ರಾಯಗಳನ್ನು ಹಂಚಿಕೊಳ್ಳಲು ಬೇರೆ ಮಾರ್ಗ ಹುಡುಕಿದಳು. ಪೆನ್  ಮತ್ತು ಡೈರಿ ಅವಳ ಮಾತಿಗೆ ಕಿವಿಯಾದವು. ಅವಳ ಅನಿಸಿಕೆ ಅಭಿಪ್ರಾಯಗಳು ಕಥೆಯ ರೂಪದಲ್ಲಿ ಹೊರಹೊಮ್ಮಿದವು..... 

 






 


ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಮಲೇಶಿಯಾದ ಮರೆಯಲಾಗದ ಸವಿನೆನಪುಗಳು

 ನನ್ನ ಪತಿ ಮಲೇಷ್ಯಾದಲ್ಲಿ ೫ ವರ್ಷದ ಕಾಂಟ್ರಾಕ್ಟ್ ಕೆಲಸದಲ್ಲಿದ್ದರು.  ಕುಟುಂಬಕ್ಕೂ ಅಲ್ಲಿ ಇರಲು ಎಲ್ಲ ರೀತಿಯ ಸೌಲಭ್ಯಗಳನ್ನು ಕಂಪನಿಯು ಒದಗಿಸಿತ್ತು. ಹೀಗಾಗಿ ಪತಿ ನನ್ನನ್ನು, ಅತ್ತೆಯನ್ನು ಮತ್ತು ಮಗಳನ್ನು ಅಲ್ಲಿಗೆ ನೆಲೆಸಲು ಕರೆದೊಯ್ದರು. ಮಲೇಷ್ಯಾ ತುಂಬಾ ಸುಂದರವಾದ, ಹೆಚ್ಚು ಜನಜಂಗುಳಿ ಇರದ ಕರಾವಳಿ ದೇಶ. ಅಲ್ಲಿ ಭಾರತ,ಇಂಡೋನೇಷಿಯಾ,ಚೀನಾ,ಬಾಂಗ್ಲಾ,ಥಾಯ್ಲ್ಯಾಂಡ್ ಹೀಗೆ ವಿವಿಧ ದೇಶದ ಜನರಿದ್ದಾರೆ. ಮಲೇಷ್ಯಾದ ಮೂಲನಿವಾಸಿಗಳಿಗೆ ಮಲೆಯು ಜನರು (ಮುಸ್ಲಿಂ ಜನಾಂಗ) ಎನ್ನುತ್ತಾರೆ. ಅವರಿಗೆ ಬಾಲಿವುಡ್ ಸಿನಿಮಾಗಳು ತುಂಬಾ ಇಷ್ಟ. ಹಿಂದಿ ಹಾಡುಗಳು ಅವರಿಗೆ ಆಪ್ತ ಅದರ ಜೊತೆಗೆ ತಮಿಳ್ ಸಿನಿಮಾಗಳು ತಮ್ಮ ವರ್ಚಸ್ಸನ್ನು ಬೀರಿವೆ. ಮಲೇಷ್ಯಾದ ನೆಲದ ಮೇಲೆ ಕಾಲಿಟ್ಟ ತಕ್ಷಣ ಆತ್ಮೀಯವೆನಿಸಿಬಿಡುತ್ತದೆ ಆ ದೇಶ. ಅಲ್ಲಿಯ ಸ್ಥಳಿಯ ಹಾಗೂ ವ್ಯಾವಹಾರಿಕ ಭಾಷೆ "ಮಲಯ್ ಅಥವಾ ಮಲ್ಹಾಯು ". ಈ ಭಾಷೆಗೆ ಸ್ವಂತ ಲಿಪಿ ಇಲ್ಲ ಇಂಗ್ಲಿಷ್ ಲಿಪಿ ಉಪಯೋಗಿಸಿ ಬರೆಯುತ್ತಾರೆ. ಕೆಲ ಅಕ್ಷರಗಳ ಉಚ್ಛಾರ ಬೇರೆ ತೆರನಾಗಿದೆ. ಆದ್ದರಿಂದ ಇಂಗ್ಲಿಷ್ನಲ್ಲಿ ಬರೆದ್ರೂ ಉಚ್ಛಾರ ಮತ್ತು ಅರ್ಥ ಗೊತ್ತಾಗಲ್ಲ. ಹೀಗಿರುವಾಗ ನಾವೆಲ್ಲರೂ ಶಾಪಿಂಗ್ ಹೊರಟೆವು.ತುಂಬಾ ಸುಸಜ್ಜಿತವಾದ  ಮಾಲ್ ಗಳು ಅಂಗಡಿಗಳು ಇದ್ದವು. ಪ್ರತಿ ಮಾಲ್ ನಲ್ಲಿಯೂ ನಮಾಜ್ ಗಾಗಿ ಹೆಂಗಸರು ಮತ್ತು ಗಂಡಸರಿಗೆ ಪ್ರತ್ಯೇಕ ಪ್ರೇಯರ್ ರೂಮ್  ಕಡ್ಡಾಯವಾಗಿರುತ್ತದೆ. ರೆಸ್ಟ್ ರೂಮ್ ಗಳು ಅಲ್ಲಲ್ಲಿ ಇರ
ಇನ್ನಷ್ಟು ಓದಿ

ಬೆಂಗಳೂರಿನ ಬಸ್ಸಿನ ಪುರಾಣ

ಜಗತ್ತಿನಲ್ಲಿರುವ ಜನರಲ್ಲಿ ಅರ್ಧದಷ್ಟು ಜನರು ಬೆಂಗಳೂರಿನಲ್ಲೇ ಇದ್ದಾರೇನೋ ಎನಿಸುವದು ಅಲ್ಲಿಯ ಬಸ್ಸನ್ನು ನೋಡಿದಾಗ, ಜನರು ಮನೆಯಲ್ಲಿರುವದಕ್ಕಿಂತ ಹೆಚ್ಚಿನ ಸಮಯ ಬಸ್  ಪ್ರಯಾಣದಲ್ಲಿಯೇ ಕಳೆಯುತ್ತಾರೆ. ಯಾವಾಗಲೂ ಕಿಕ್ಕಿರಿದು ತುಂಬಿರುತ್ತದೆ. ಜನರ ಮದ್ಯೆ ನುಸುಳಲು ಗಾಳಿಗೂ ಸಹ ಹರಸಾಹಸ. ಗಾಳಿ  ಸೇವಿಸಲು ಹೇಗೋ ಕಷ್ಟ ಪಟ್ಟು ಜಗಳವಾಡಿ ಗುಂಪಿನಿಂದ ಮೂಗು ಆಚೆ ಹಾಕುತ್ತಾರೆ.  ಮದ್ಯಾಹ್ನದ ಸಮಯವಾದರೆ ಕಾಲೇಜು ಹುಡುಗ ಹುಡುಗಿಯರ ಗುಂಪು ಬಸ್ಸಿಗಾಗಿ ಕಾದಾಟ ನಡೆಸುತ್ತಿರುತ್ತಾರೆ. ಮೊದಲೇ ಪಾಠ ಕೇಳಿ ಸೋತು ಸುಣ್ಣವಾಗಿ ಹಸಿವಿನಿಂದ ಕಂಗಾಲಾಗುವ ಅವರನ್ನು ನೋಡಿದಾಗ ಬಸ್  ಕಂಡಕ್ಟರ್ ಡ್ರೈವರ್ ಗಳ ತಮಾಷೆ ಮೂಡ್ ಜೋರಾಗುತ್ತೆ. ಕಾಲೇಜು ಗುಂಪನ್ನು ಕಿಚಾಯಿಸಲು ಬೇಕೆಂದೇ ಬಸ್ಸನ್ನು ಅವರು ನಿಂತಿರುವ ಸ್ಥಳದಿಂದ (ಬಸ್ಸ ಸ್ಟಾಪ್ ಆದರೂ ) ಒಂದು ಫರ್ಲಾಂಗ್ ದೂರ ಹೋಗಿ ನಿಲ್ಲಿಸುತ್ತಾರೆ. ಹುಡುಗ ಹುಡುಗಿಯರು ಬಸ್ಸ ಹತ್ತಲು ಓಡತೊಡಗಿದರೆ ಕಂಡಕ್ಟರ್ ಡ್ರೈವರ್ ಕಿಟಕಿ ಬಾಗಿಲಿನಿಂದ ತಲೆ ಆಚೆ ಹಾಕಿ ಮುಗುಳ್ನಗೆ ಬೀರುತ್ತಾ ನೋಡುತ್ತಾರೆ ಹಸಿವಿನಲ್ಲೂ ಹುರುಪು ಉಳಿಸಿಕೊಂಡು ಜೋರಾಗಿ ಬಸ್ಸಿನೆಡೆಗೆ ಯಾರು ದೌಡಾಯಿಸುತ್ತಾರೆ ನೋಡಿ ಅವರಿಗೆ ಸನ್ಮಾನ ಮಾಡುವಂತೆ!!. ಮರುದಿನ ಕಾಲೇಜು ಗುಂಪು ಬಸ್  ಸ್ಟಾಪ್ಪ್ ನಲ್ಲಿ ನಿಲ್ಲದೆ ಮುಂದೆ ಹೋಗಿ ನಿಂತರೆ ಅಂದು ಬಸ್  ಸ್ಟಾಪ್ ನಲ್ಲೇ  ನಿಲ್ಲುತ್ತೆ ಕಾಲೇಜು ಗುಂಪನ್ನು ಹಿಂದೆ ಓಡಿ ಬಂದು ಬಸ್ಸ ಹತ್ತಲು ಪ್ರೇರೇಪಿಸುವಂತೆ 😡
ಇನ್ನಷ್ಟು ಓದಿ